گوجرنوالہ ( نمائندہ خصوصی)محکمہ سوشل ویلفیئر اینڈ بیت المال کی جانب سے ڈسٹرکٹ انفارمیشن آفیسر گوجرانوالہ منورحسین کو محکمہ سوشل ویلفیئر کی تقریبات کو میڈیا کوریج دلوانے اور اس حوالہ سے بہترین خدمات سرانجام دینے کے اعتراف میں انہیں حسن کارکردگی ایوارڈ سے نوازا۔ اس سلسلہ میں انکے دفتر میں ایک خصوصی تقریب کا انعقاد کیا گیا اور انکی خدمات کو خراج تحسین پیش کیا گیا، ڈائریکٹر سوشل ویلفیئر گوجرانوالہ ڈویژن زبیر احمد، ڈپٹی ڈائریکٹر سوشل ویلفیئر محمد عالم اور محکمہ کے دیگر ملازمین بھی اس موقع پر موجود تھے۔ ان کا کہنا تھا کہ ڈی آئی او منورحسین کا شمار انتہائی محنتی،دیانتدار،ملنسار اور فرض شناس افسران میں ہوتا ہے انکی محکمہ کے لئے خدمات قابل قدر اور لائق تحسین ہیں۔