لاہور(سپورٹس رپورٹر)انٹرنیشنل کرکٹ کونسل نے قومی کرکٹ ٹیم کے کپتان بابر اعظم کو نئے خطاب سے نوازا ہے،ٹی 20 ورلڈ کپ کا اہم میچ میلبورن میں کھیلاگیا جس میں پاکستان اور بھارت کی ٹیمیں آمنے سامنے تھیں اور پاکستانی عوام کو قومی ٹیم کے کپتان بابر اعظم سے بہت سی امیدیں وابستہ رہیں،میچ سے قبل آئی سی سی نے سماجی رابطے کی ویب سائٹ ٹوئٹر پر بابر اعظم کی ایک تصویر شیئر کی اور انہیں کرکٹ کی دنیا کا بادشاہ قرار دیا،آئی سی سی کی جانب سے شیئر کی گئی تصویر میں بابر اعظم سر پر تاج پہنے تخت پر براجمان ہیں اور ہاتھ میں تلوار بھی لے رکھی ہے،آئی سی سی نے کیپشن میں سوال کیا کہ ٹی ٹونٹی ورلڈ کپ میں بابر کی حکمرانی میں پاکستان کیسا پرفارم کرے گا؟انٹرنیشنل کرکٹ کونسل کی جانب سے جاری کردہ اس تصویر کو صارفین کی جانب سے کافی پسند کیا جا رہا ہے اور اس پر دلچسپ تبصرے بھی کئے جا رہے ہیں۔