لاہور (نامہ نگار) شہر کے مختلف علاقوں میں ڈاکوئوں اور چوروں نے متعدد شہریوں سے لاکھوں روپے‘ طلائی زیورات،موبائل فون، گاڑیاں، موٹر سائیکلیں اور دیگر سامان لوٹ لیا۔ ڈاکوؤں نے جنوبی چھاؤنی اورنگزیب کے گھر میں گھس کر اہلخانہ کو گن پوائنٹ پر یرغمال بنا کر 7 لاکھ 35 ہزار روپے‘ طلائی زیورات، موبائل فون اور دیگر سامان، اقبال ٹاؤن میں عادل اور اس کی فیملی سے ڈاکو گن پوائنٹ پر47 لاکھ 19 ہزار روپے‘ طلائی زیورات اور موبائل فون، سمن آباد میں واجد اور اس کے بھائی سے گن پوائنٹ پر ایک لاکھ 40 ہزار روپے اور موبائل فون، شاہدرہ ٹاؤن میں طاہر سے 72 ہزار روپے نقدی اور موبائل فون، ٹاؤن شپ میں امجد سے 70 ہزار روپے اور موبائل فون، داتا دربار میں یاسین سے 50 ہزار روپے اور موبائل فون، اسلام پورہ میں ساحر سے 35 ہزار روپے اور موبائل فون، قائداعظم انڈسٹریل اسٹیٹ میں اعجاز سے 25 ہزار روپے اور موبائل فون، ساندہ میں محسن سے 23ہزار روپے اور موبائل فون لوٹ لیا ہے۔ چوروں نے چوہنگ میں مرزا کبیر کے گھر سے ساڑھے 3لاکھ روپے‘  طلائی زیورات اور دیگر سامان چوری کر لیا اور فرار ہو گئے۔ چور  باٹا پور اور مانگا منڈی سے2 کاریں، بادامی باغ سے رکشہ جبکہ ٹاؤن شپ، ہنجروال، قلعہ گجر سنگھ، گلشن راوی، شیراکوٹ، سمن آباد، گرین ٹاؤن، رائیونڈ سٹی، غالب مارکیٹ، نشترکالونی اور کاہنہ سے11موٹر سائیکلیں چوری کر  کے فرار ہو گئے۔
ڈاکے