کراچی (نوائے وقت رپورٹ) شہر قائد کے مختلف علاقوں سے آٹھ افراد کی نعشیں ملیں، جن میں سے پانچ نعشوں کی شناخت نہیں ہو سکی تاہم پولیس نے تمام کی اموات کو طبعی قرار دیا ہے۔ تفصیلات کے مطابق اتوار کو شہر کے مختلف علاقوں میں سڑکوں اور گھروں سے آٹھ افراد کی نعشیں ملیں۔ نارتھ ناظم آباد میں ڈی سی آفس کے قریب نالے کے اندر سے خاتون کی نعش ملی۔ ڈرگ روڈ میں ریلوے سٹاپ کے قریب سڑک سے ایک شخص کی نعش ملی۔ بلدیہ ٹاؤن کے سیکٹر انیس ڈی میں ڈاکٹر اشفاق کلینک والی گلی میں گھر کے اندر سے ایک شخص کی نعش ملی، آرام باغ کے علاقے میں گوشت مارکیٹ کے قریب سے بھی ایک شخص کی نعش ملی۔ صدر کے علاقے زینب مارکیٹ کے قریب بھی ایک شخص کی نعش ملی، ملیر بکرا پیڑی میں سندھی ہوٹل کے قریب سے بھی تیس سالہ شخص کی نعش ملی۔
نعشیں برآمد