لاہور(خبرنگار)کمشنر لاہور محمد عامر جان نے صاف روشن سرسبز لاہور مہم کے تحت کھاڑک نالہ ملتان روڈ تا ٹھوکر نیاز بیگ تک ہدف مقرر کرتے ہوئے شائننگ و گرین لاہور مہم کے آٹھویں مرحلے کا آغاز کیا۔ ایل ڈبلیو ایم سی، پی ایچ اے، ایل ڈی اے، واسا، اور لیسکو کے سینکڑوں ورکرز آپریشن میں مصروف عمل ہیں۔ کمشنر لاہور محمد عامر جان نے ملتان چونگی پر کربسٹون پینٹ کرکے روڈ پینٹ کا افتتاح کیا۔ کمشنر لاہور محمد عامر جان نے کہا کہ چوک یتیم خانہ تا ٹھوکر نیاز بیگ خصوصی شجر کاری مہم شروع کی جائے۔ 
دس سالہ گھریلو ملازمہ پر تشدد،چیئرپرسن چائلڈ پروٹیکشن بیورو کا نوٹس 
لاہور (لیڈی رپورٹر) چیئرپرسن چائلڈ پروٹیکشن بیورو سارہ احمد نے فیصل آباد میں 10 سالہ گھریلو ملازمہ پر تشدد کے واقعہ کا نوٹس لے لیا۔ چیئرپرسن سارہ احمد کی ہدایت پر تشدد کا شکار10 سالہ گھریلو ملازمہ کو فیصل آباد میں تحویل میں لے لیا۔ فیصل آباد میں تھانہ مدینہ ٹاو¿ن کے علاقہ میں 10سالہ گھریلو ملازمہ ماریہ کو تشدد کا نشانہ بنایا گیا۔ تشدد کا شکار گھریلو ملازمہ کو مالکان نے گھر جانے کی ضد کی وجہ سے تشدد کا نشانہ بنایا۔