اوکاڑہ (نامہ نگار) منڈی احمد آباد کی حدود میں مبینہ پولیس مقابلہ، اپنے ساتھیوں کی فائرنگ سے  دو نامعلوم ڈاکو ہلاک ،دو فرار بتایا گیا ہے کہ چار نامعلوم ڈاکو شہری کے ساتھ واردات کرکے فرار ہو رہے تھے کہ پولیس کو اطلاع مل گئی اور پولیس پارٹی موقع پر پہنچ گئی تعاقب کرنے پر کمہار موڑ کے قریب نامعلوم ڈاکوؤں نے اندھا دھند فائرنگ شروع کر دی پولیس پارٹی نے بھی حق حفاظت خود اختیاری کے تحت جوابی فائرنگ کی فائرنگ کے نتیجہ میں دو نامعلوم ڈاکو اپنے ساتھیوں کی فائرنگ سے ہلاک ہوگئے جبکہ دو فرار ہونے میں کامیاب ہو گئے ۔پولیس نے  چھینی گئی موٹر سائیکل  اسلحہ،نقدی اور موبائل فونز برآمد کر لئے۔