زرعی یونیورسٹی فیصل آباد میں طلبہ سہولت مرکز کا افتتاح
لاہور (سٹاف رپورٹر)زرعی یونیورسٹی فیصل آباد میں طلبہ سہولت مرکز کا افتتاح کر دیا گیا۔ ایس ایف سی کے ذریعے یونیورسٹی کے 40 ہزار طلبا و طالبات اور اساتذہ کے ساتھ ساتھ کیمپس کمیونٹی کو معیاری کھانا اور فاسٹ فوڈ مہیا کیا جائیگا۔ سہولت مرکز کا افتتاح صوبائی وزیر زراعت سید حسین جہانیا ں گردیزی نے وائس چانسلر پروفیسر ڈاکٹر اقرار احمد خاں کے ہمراہ کیا۔تفصیلات کے مطابق نظامت امور طلبا کے زیر اہتمام ڈی ایس اے کمپلیکس میں کھولے جانیوالے سہولت مرکز میں وائس چانسلر پروفیسر ڈاکٹر اقرار احمد خاں کی ہدایت پر خوردونوش کے علاوہ جدید تمدنی سہولیات مختلف فیکلٹیز کی سٹوڈنٹس کونسلز کی مشاورت سے یقینی بنائی جا رہی ہیں۔
اس سہولت مرکز میں فاسٹ فوڈ مارکیٹ سے ارزاں نرخوں پر مہیا کیا جائیگا۔
