شیخوپورہ(نامہ نگار خصوصی)پیپلزپارٹی کے مرکزی رہنما ووزیراعظم کے معاون خصوصی تسنیم احمد قریشی سے ڈویژنل نائب صدر چودھری منیر قمر واہگہ ، ضلعی سینئر نائب صدر چودھری خالق عزیز ورک ،کاشف گیلانی ،افتخار بھٹی سمیت دیگرنے ملاقات کی اس دوران عمران خان کیخلاف الیکشن کمیشن کے فیصلہ کے موقع پر شیخوپورہ کے عوام کی عدم دلچسپی ، ضلع کی سیاسی صورتحال ،تنظیم سازی ،گراس روٹ لیول تک چیئرمین بلاول بھٹو کے بیانیہ کی کامیابی سمیت دیگر امور پر تفصیلی گفتگو کی گئی ملاقات کے بعد میڈیا سے گفتگو کرتے چودھری منیر قمر واہگہ ، چودھری خالق عزیز ورک نے کہاکہ الیکشن کمیشن نے مکمل تحقیقات کے بعد فیصلہ دیکر یہ بات کلیئر کردی ہے عمران خان نے ہر پل اور ہر قدم پر جھوٹ بولنے کے سوا کچھ نہیں کیا جلسوں، جلوسوں میں بڑی بڑی باتیں کرنیوالوں کو پہلے اپنے گریباںمیںجھانکنا چاہیے کہ الزام تراشی اور دشنام طرازی سے بڑا کوئی جرم نہیںہوتا کل تک سب کو چور چور کہنے والا خود سب سے بڑا چور نکلا۔