گکھڑمنڈی(نامہ نگار) مسلم لیگ ن لیبر ونگ کے عہدیداران عمران مغل، ملک ندیم، مدثر، محمد ارشد، خرم وغیرہ نے مسلم لیگ ن کی قائد مریم نواز شریف کی سالگرہ منانے کی تقریب کا انعقاد کیا جس میں مہمانِ خصوصی مسلم لیگ ن کے ضلعی جنرل سیکرٹری شعیب الطاف چیمہ تھے اس موقع پر انہوں نے تقریب کے شرکاء سے خطاب کرتے ہوئے کہا کہ مسلم لیگ ن کے قائد میاں محمد نواز شریف کے دور اقتدار میں ملک بھرکے کارخانے اور فیکٹریاں ریکارڈ پیداوار کررہی تھیں جس سے ملک کا مزدور باعزت روزگار ملنے سے خوشحال تھا لیکن جب ان کو سازش کے تحت نااہل کیا گیا تو ان کی بہادر بیٹی مریم نواز نے پارٹی کی قیادت سنبھال کر کارکنان کا حوصلہ بڑھایا ان کی سیاسی بصیرت اورکوششوں کا نتیجہ ہے کہ مسلم لیگ ن آج وفاق میں حکومت کررہی ہے انشاء اﷲ ہمارے قائد میاں محمد نواز شریف بھی بہت جلد پاکستان پہنچ کر فتنہ خاں کی سیاست کا مقابلہ کرکے عمران خاں کی جھوٹی سیاست کو ہمیشہ کے لیے ختم کردیں گے تقریب کے اختتام پرسالگرہ کا کیک کاٹا گیا۔