پاکستان کشمیریوں کی حمایت جاری رکھے گا:توصیف سلیم
شیخوپورہ(نامہ نگارخصوصی) اصول پرست گروپ کے رہنما وسابق ممبر میونسپل کمیٹی میاںتوصیف سلیم نے کہا ہے کہ پاکستان مقبوضہ کشمیرکے عوام کی اخلاقی ،سیاسی حمایت جاری رکھے گا کیونکہ کشمیر پاکستان کی شہ رگ ہے،پاکستان بھی نامکمل ہے مقبوضہ کشمیر کے عوام کی جدوجہد آزادی کا سورج بہت جلد طلوع ہونیوالا ہے عالمی امن اور حقوق کی تنظیموں کو چاہیے کہ وہ کم ازکم حالیہ عرصہ میں بھارتی فوج کی طرف سے ہونیوالی انسانی حقوق کی سنگین ترین خلاف ورزیوںکو ہائی لائٹ کریں تاکہ دنیا کو مزید معلوم ہوسکے کہ مقبوضہ وادی کے عوام کی جدوجہد آزادی کیلئے ہے اور بھارت کی کارروائیاں دہشت گردی ہے۔
