راولپنڈی(این این آئی)راولپنڈی پولیس نے لیڈی منشیات فروش سمیت15ملزمان کوگرفتارکرکے ساڑھے8کلو سے زائد چرس، 24بوتل شراب اور5لیٹرشراب برآمدکرلی۔ تفصیلات کے مطابق وارث خان پولیس نے ملزمہ صباء بی بی سے 02کلو600گرام چرس، پیرودھائی پولیس نے ملزم سجان سے 01کلو660گرام چرس، گوجرخان پولیس نے 06ملزمان ضیاء ،اسد،یاسر ،راشد ،اسد ،فرخ سے01کلو730گرام چرس اور24بوتل شراب ،واہ کینٹ پولیس نے ملزم طلحہ سے 01کلو450گرام چرس، ویسر یج پولیس نے 02ملزمان نزاکت اور عمر سے 550گرام چرس، کوٹلی ستیاں پولیس نے ملزم گفتار سے 520گرام چرس، صادق آباد پولیس نے ملزم عدیم سے 160گرام چرس، کینٹ پولیس نے ملزم آصف سے220گرام چرس اورملزم ذوہیب سے 05لیٹر شراب برآمد کرکے ملزمان کے خلاف الگ الگ مقدمات درج کرلیے، سی پی او سید شہزادندیم بخاری نے کہاکہ گرفتار ملزمان کو ٹھوس شواہد کے ساتھ چالان کیا جائے گا، منشیات فروشوں اور شراب سپلائرز کے خلاف کارروائیوں میں مزید تیزی لائی جائے گی۔
15منشیات فروش گرفتار