امت مسلمہ کے مسائل کا حل آپ ؐ کی سیرت طیبہ میں موجود ہے: حاجی نواز
شیخوپورہ(نمائندہ نوائے وقت)مدنی دستر خوان پروگرام کے چیف کوآرڈینیٹر حا جی محمد نواز نے کہا ہے کہ ہمیں اپنے معاشرے سے انتہا پسندی اور عدم برداشت ختم کرنے کیلئے مزید کوششیں کرنے کی ضرورت ہے ، اسی سے ہم معاشرے میںپائے جانیوالے عدم برداشت پر قابو پا سکتے ہیں، امت مسلمہ کو لاحق مشکلات و مسائل کا حل اللہ تعالیٰ کی آخری کتاب اور اللہ تعالیٰ کے آخری نبی حضرت محمد ؐ کی سیرت طیبہ میں موجود ہے، ان خیالات کا اظہار انہوں نے حافظ خالد نواز ٹیپو، محمد فضل بلال نواز ایڈووکیٹ، حاجی معراج دین، حاجی علی احمد، حاجی میاں الیاس و دیگر کے ہمراہ صحافیوں سے گفتگو کرتے کیا، حاجی محمد نواز نے کہا کہ اللہ تعالیٰ نے ہمارے نبی ؐ کو آخری پیغمبر کی حیثیت سے اس دنیا میں بھیجااللہ تعالیٰ نے آپؐ کے ذریعے دین کو مکمل کیا اللہ تعالیٰ نے ہمارے لیے دین اسلام کو پسند کیا ہے اور یہ ایک مکمل دین ہے۔
