لاہور (نامہ نگار) شاہدرہ کے علاقے میں رشتے داروں میں تلخ کلامی پر تیزاب گردی کا واقعہ پیش آیا ہے۔ جس سے ایک بچی سمیت 4 افراد جھلس کر زخمی ہوگئے ہیں۔ تفصیلات کے مطابق شاہدرہ کے علاقے میں ایک گھر میں آئے مہمانوں کی اہلخانہ سے کسی بات پر تلخ کلامی اور جھگڑا ہو گیا۔ جس پر مہمانوں نے اہلخانہ پر تیزاب پھینک دیا۔ جس کی زد میں آکر چار افراد 11 سالہ صدف، 40 سالہ رفعت، 46 سالہ راشد اور 70 سالہ صادق جھلس کر زخمی ہو گئے ہیں۔ اطلاع ملنے پر ریسکیو ٹیموں نے موقع پر پہنچ کر زخمیوں کو طبی امداد کے لیے منشی ہسپتال منتقل کر دیا ہے جبکہ پولیس نے قانونی کارروائی کا آغاز کر دیا ہے۔
تیزاب گردی