کھاریانوالہ(نمائندہ خصوصی)پیپلز پارٹی کے سینئر رہنما چوہدری فہد ورک نے کہا ہے کہ لانگ مارچ کے غبارے سے ہوا نکل چکی ہے عمران خان کو اپنی سیاسی مقبولیت کا اندازہ ہو چکا ہے اداروں پر انکی تنقید بے معنی ہے ایک طرف اداروں پر الزامات لگا رہے ہیں تو دوسری طرف اداروں کے سربراہوں سے بیک ڈور رابطے کر کے انکی منت سماجت کر رہے ہیں، عمران خان لاہور سے اسلام آباد تک کے سفر کولانگ مارچ کا نام دے رہے ہیں اگر انہیں اپنی عوامی مقبولیت کا اتنا ہی گھمنڈ ہے تو پیپلز پارٹی کی طرح کراچی سے اسلام آباد تک لانگ مارچ کرکے دکھائیں۔