ڈیرہ اسماعیل خان (آئی این پی) تھانہ صدر کی حدود ڈیرہ ٹانک روڈ پر لنک روڈ گرہ حیات کے قریب ٹریفک کے المناک حادثہ میں باپ بیٹے اور خاتون سمیت 4 افراد جاں بحق ہو گئے۔ 25 سے زائد افراد زخمی اور متعدد زخمیوں کی حالت تشویشناک ہے۔ تفصیلات کے مطابق تھانہ صدر کی حدود ڈیرہ ٹانک روڈ پر شہ زور مزدا ٹرک کے مابین خوفناک تصادم میں 3 افراد 59 سالہ مولانا شیر افضل بیٹنی‘ ان کا 7 سالہ بچہ یونس بیٹنی اور قریبی رشتہ دار خاتون 17 سالہ شادینہ بی بی دختر سعد اﷲ بیٹنی سکنہ عمر اڈا ٹانک حال قریشی موڑ ڈیرہ اسماعیل خان موقع پر ہی دم توڑ گئے۔ بدقسمت کار سوار شادی کی تقریب میں شرکت کیلئے ڈیرہ سے ٹانک جا رہے تھے۔
ڈیرہ/ حادثہ