اسلام آباد (خبر نگار) نواز شریف نے کہا ہے کہ ایک فتنہ اور جھوٹا ترین شخص بڑھکیں مار کر لوگوں کو گمراہ کر رہا ہے۔ اس کا ملک میں مارشل لاء لگانے کا بیان انتہائی قابل مذمت ہے۔ ان خیالات کا اظہار انہوں نے لندن میں مسلم لیگ ن کے ممبر صوبائی اسمبلی میاں عرفان دولتانہ سے ملاقات کے دوران گفتگو کرتے ہوئے کیا۔ اس موقع پر مسلم لیگ ن کی نائب صدر مریم نواز شریف اور دیگر بھی موجود تھے۔ میاں نواز شریف نے کہا کہ انہیں الیکشن لڑنے کا چیلنج کرنے والے کو چھٹی کا دودھ یاد آجائے گا جب میدان لگے گا۔ اس کی یہ تمام تر شر انگیزی آرمی چیف کی تعیناتی میں رخنہ ڈالنے کے لیے ہے، اب اس کے ساتھ کوئی مذاکرات نہیں ہونے چاہئیں۔