فیصل آباد‘ پی ٹی آئی دھرنے کے قریب گوجرانوالہ میں مظاہرین پر فائرنگ
گوجرانوالہ/ فیصل آباد (نوائے وقت رپورٹ) گوجرانوالہ‘ فیصل آباد میں پی ٹی آئی کے مظاہرین‘ دھرنے والوں کے قریب فائرنگ کے واقعات پیش آئے ہیں۔ فیصل آباد میں ڈی ٹائپ پل پر پی ٹی آئی کے دھرنے کے قریب ہوائی فائرنگ کی گئی۔ ہوائی فائرنگ سے بھگدڑ مچنے پر دو خواتین سمیت تین افراد زخمی ہو گئے۔ ہوائی فائرنگ دھرنے کے قریب دو گروہوں کے جھگڑے کے دوران ہوئی۔ زخمیوں کو طبی امداد کیلئے ہسپتال منتقل کر دیا گیا ہے۔ گوجرانوالہ کے علاقے کنگنی والا میں جی ٹی روڈ پر کار سوار کے مظاہرین پر فائرنگ کر دی۔ فائرنگ سے لوگ محفوظ رہے۔ نامعلوم ملزم کار چھوڑ کر فرار ہو گیا۔ مظاہرین نے کار روکنے کی کوشش کی جس پر اس نے فائرنگ کی۔
