لندن‘ لاہور (نمائندہ خصوصی‘نوائے وقت رپورٹ) تحریک انصاف کے چیئرمین عمران خان کی سابقہ اہلیہ جمائما گولڈ سمتھ نے حملہ آور کو پکڑنے والے نوجوان ابتسام کو ہیرو قرار دیدیا۔ ٹویٹ میں انہوں نے ابتسام کا شکریہ ادا کیا اور پاکستان کا جھنڈا لگا کر خراج تحسین پیش کیا ہے اورکہا خبر نے ہمیں خوف میں مبتلا کر دیا۔ عمران کا نام لئے بغیر کہا خدا کا شکر ہے وہ خیریت سے ہیں۔ دریں اثنا سابق وزیراعظم عمران خان نے برطانیہ میں اپنے بچوں سے ٹیلیفون پر رابطہ کیا ہے۔ ذرائع کے مطابق عمران خان کے بیٹوں سلمان اور قاسم نے ان کی خیریت دریافت کی۔ عمران خان نے اپنے بیٹوں کو حوصلہ دیا۔