اسلام آباد‘ روجھان (خبر نگار خصوصی) سابق وزیراعظم سردار میر بلخ شیر مزاری انتقال کر گئے۔ تمن مزاری کے چیف سردار میر بلخ شیر مزاری طویل علالت کے بعد انتقال کر گئے۔ وہ لاہور ہسپتال میں زیرعلاج تھے۔ سابق وزیراعظم جنوبی محاذ کے سربراہ سابق ڈپٹی سپیکر پنجاب اسمبلی سردار میر دوست محمد مزاری کے دادا تھے۔ سابق وزیراعظم سردار میر بلخ شیر مزاری کی وفات پر آبائی شہر روجھان میں سوگ کا عالم ہے‘ مکمل شٹر ڈا¶ن رہے گا۔ نماز جنازہ آبائی شہر روجھان میں ہو گی۔ وزیراعظم شہباز شریف نے سابق نگران وزیراعظم میر بلخ شیر مزاری کی وفات پر دکھ اور افسوس کا اظہار کیا ہے۔ وزیراعظم نے اپنے تعزیتی پیغام میں کہا کہ ملک وقوم کے لئے ان کی خدمات تادیر یاد رکھی جائیں گی۔ میر بلخ شیر مزاری صوبہ بلوچستان اور پاکستان کی سیاست کی قد آور شخصیت تھے۔ انہوں نے کہا کہ اللہ تعالیٰ مرحوم کو جنت الفردوس میں اعلی مقام عطا فرمائے اور لواحقین سمیت تمام پسماندگان کو صبر جمیل دے۔ 
بلخ شیر مزاری