لاہور(سپورٹس رپورٹر) بنگلہ دیش کرکٹ بورڈ کرکٹ آپریشنز کے چیئرمین جلال یونس کی جانب سے بھی بھارتی بیٹر ویرات کوہلی پر فیک فیلڈنگ کا الزام لگادیا گیا ۔انہوںنے کہا کہ فیک فیلڈنگ کامعاملے پرامپائرز کی توجہ دلائی گئی تھی تاہم انہوں نے کہا کہ ہم نے ایسا نہیں دیکھا۔اسی وجہ سے اس معاملے پر ری ویو نہیں لیا گیا، کپتان شکیب الحسن نے میچ کے دوران اور بعد میں امپائر ماریس ایراسمس سے بات بھی کی تھی۔ شکیب الحسن نے امپائرزسے بار بار کہا کہ اگر وہ تھوڑا سا زیادہ وقت لیں تو گراﺅنڈ خشک ہو سکتا ہے اور جب گراﺅنڈ خشک ہو جائے تو میچ شروع کریں۔ امپائر کا فیصلہ حتمی اور آخری ہوتا ہے،جس کے بعد دیگر کسی بات کی گنجائش نہیں ہوتی،آپ کو فیصلہ کرنا ہوتا ہے کہ آپ کھیلنا چاہتے ہیں یا نہیں۔