لاہور (نوائے وقت رپورٹ) ڈپٹی ڈائریکٹر سینٹ پروٹوکول اشتیاق احمد بھٹی‘ ڈاکٹر آفتاب احمد بھٹی آف آئرلینڈ اور نوائے وقت کے ڈسٹرکٹ انچارج اشفاق احمد بھٹی کے والد مہتمم مدرسہ عربیہ نورالقرآن حاجی مشتاق احمد بھٹی (ٹھیکیدار منڈی مویشیاں) انتقال کر گئے۔ ان کی عمر 77 سال تھی۔ حاجی مشتاق احمد بھٹی  ایک ہفتہ قبل ٹریفک حادثے میں شدید زخمی ہو گئے اور ہسپتال میں زیرعلاج تھے۔ انہیں گزشتہ شام نمازجنازہ کے بعد آبائی قبرستان بستی بھٹیاں میں سپردخاک کر دیا گیا۔ نمازجنازہ میں موجودہ اور  سابق ارکان اسمبلی‘ سابق بلدیاتی عہدیداروں اور سیاسی‘ سماجی شخصیات نے کثیر تعداد میں شرکت کی۔ مرحوم کا پہلا ختم قل کل بروز پیر صبح 9  بجے غوثیہ مسجد سیٹلائٹ ٹائون خان پور ضلع رحیم یار خان جبکہ دوسرا ختم قل 8 نومبر کو ان کے آبائی علاقے بستی بھٹیاں کے مدرسہ عربیہ نورالقرآن میں بعد نماز ظہر پڑھا جائے گا۔ علاوہ ازیں ڈسٹرکٹ انچارج نوائے وقت اشفاق احمد بھٹی کے والد کی وفات پر نوائے وقت کی انتظامیہ‘ جملہ کارکنان نے رنج و غم کا اظہار کرتے ہوئے مرحوم کی مغفرت کیلئے دعا کی ہے۔