راولپنڈی (سٹاف رپورٹر)عوامی مسلم لیگ کے سربراہ اور سابق وزیر داخلہ شیخ رشید نے کہا ہے کہ حکمران چاہتے ہیں اداروں اور عوام کی لڑائی ہو، ملک کی بدنصیبی ہے کہ اداروں کو لڑایا جا رہاہے، عمران خان کے ساتھ پوری قوم کھڑی ہے، راولپنڈی ضرور آئے گا اور بڑے اجتماع سے خطاب کر ے گا، عمران خان پر حملے کی ایف آئی آر درج ہونی چاہیے ایف آئی آر میں دیر سویر ہو جاتی ہے، عدلیہ اور فوج کیخلاف کوئی بات نہیں کروں گا، ان خیالات کے اظہار انہوں نے وقارالنساء یونیورسٹی میں ہوسٹل کی افتتاحی تقریب سے خطاب کر تے ہوئے کیا، انہوں نے کہا کہ وقار النساء کو یونیورسٹی بنانے میں دوسال لگ گئے، اب یہ کالج نہیں یونیورسٹی بن چکی ہے، ہر بچی کو چاہیے گھر اسے ایک پودا لیکر آئے کالج میں اپنی یادیں چھوڑیں، تعلیم میں لڑکوں سے آگے لڑکیاں نکل گئیں ہیں، ملک میں کام کرنا مشکل اور باتیں کرنا بہت آسان ہے، اگر آپ چور لٹیرے نہیں تو ملک میں بہت پیسا ہے۔
شیخ رشید