فیصل آباد(نمائندہ خصوصی) سابق سیکر ٹری فنانس انجمن آڑھتیاں غلہ منڈی ملک مجدد سلیمان نے حکومت کی طرف سے اعلان کردہ کسان پیکج کو خوش آ ئند قراردیتے ہوئے کہا ہے کہ ملک کے مختلف حصوں میں حالیہ سیلاب سے ہونے والی تباہی کے پیش نظر خوراک کے بحران سے بچنے کیلئے یہ ایک بروقت اقدام ہے۔ انہوں نے حکومت سے اپیل کی کہ ایک ایسا میکانزم بنایا جائے جو کاشتکاروں تک بغیر کسی لیکج کے بروقت سبسڈی کی پہنچ کو یقینی بنا سکتا ہو۔ کمرشل بینکوں سے کہا جائے کہ وہ کاشتکاروں کو آسان شرائط پر قرضوں کی فراہمی کو یقینی بنائیں تاکہ سیلاب زدہ علاقوں میں گندم کے بیجوں کی بروقت بوائی کیلئے فراہمی کو بھی یقینی بنایا جا سکے۔