منامہ (این این آئی)اومان کی فضائی کمپنی سلام ائیر نے بحرین کے متوقع ائیر شوسے خود کو الگ کر لیا ہے۔ اومانی فضائی کمپنی نے یہ فیصلہ اس لیے کیا ہے کہ بحرین کے ائیر شومیں اسرائیلی کمپنیوں کے بھی حصہ لینے کی اطلاع سامنے ائی ۔کویت کے بنک فنانس ہاوس نے بھی اس کی سپنسر شپ کرنے والے اداروں کے 'لوگوز'  میں سے اپنا لوگوہٹا دیا ہے۔ معلوم ہوا ہے کہ اسرائیلی کمپنیاں کسی عرب ملک کے 'ائیر شو ' میں پہلی بار شریک ہونے والی ہیں۔ واضح رہے اومان کے وزیر خارجہ نے ماہ مئی میں یہ بیان دیا تھا کہ ان کا ملک اسرائیل کے سات تعلقات شروع نہیں کرے گا نہ ہی اس وقت تک اسرائیل کے ساتھ اپنے معاملات کو نارمل بنائے گا جب تک کہ فلسطین کا مسئلہ طے نہیں ہو جاتا ۔اب اومان نے بحرین کے ائیر شو سے متعلق ویب سائٹ سے اپنا نام ہٹا دیا ہے۔ اس سے پہلے خلیجی ملکوں میں  اسرائیل کے ساتھ تعلقات کی مخالف  اداروں نے بحرین ائیر شو سے خود کو الگ کر رکھا ہے۔ واضح رہے یہ ائیر شو نو نومبر کو منعقد ہو گا۔     خلیجی ممالک میں قائم اسرائیل کے ساتھ تعلقات کے مخالف اداروں نے رپورٹ کیا ہے کہ اسرائیل کی چار کمپنیوں کی بحرینی ائیر شو میں حصہ لیں گی۔ اسرائیل کی یہ وہی کمپنیاں ہیں جو مقبوضہ فلسطینی علاقوں میں فلسطینیوں کے گھروں کی مسماری اور قتل و غارتگری میں حصہ لیتی ہیں۔