ماسکو (نوائے وقت رپورٹ) روس میں افغانستان کے معاملات کا جائزہ لینے کیلئے رواں ماہ کے وسط میں ہونے والے اجلاس میں افغان حکام شرکت نہیں کریں گے۔ روسی نیوز ایجنسی تاس کے مطابق افغانستان کیلئے روس کے خصوصی ایلچی ضمیر کابلوف نے بتایا کہ اجلاس صرف روسی حکام کا ہے اس لئے اسلامی امارت افغانستان سے کوئی بھی اس میں شرکت نہیں کرے گا۔ اجلاس میں چین‘ بھارت‘ ایران‘ پاکستان‘ قازقستان‘ کرغیزستان‘ تاجکستان‘ ترکمانستان اور ازبکستان سے بھی نمائندے شرکت کریں گے۔