پشاور (آئی این پی ) خیبر پی کے کے مختلف علاقوں میں  4.9  شدت زلزلے کے جھٹکے محسوس کئے گئے  ،لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔  پیر کی صبح خیبر پی کے کے مالاکنڈ ڈویژن اور اس سے ملحقہ علاقوں میں  زلزلے کے جھٹکے محسوس کئے گئے  ۔ زلزلے کی شدت ریکٹر اسکیل پر 4.9 ریکارڈ کی گئی اور اس کا مرکز افغانستان اور تاجکستان کے سرحدی علاقے میں 227 کلو میٹر گہرائی میں بتایا گیا ہے۔ زلزلے کے جھٹکے محسوس ہونے پر لوگوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔