لاہور(سپورٹس رپورٹر) آئی سی سی ٹی ٹونٹی ورلڈ کپ کا پہلا سیمی فائنل آج پاکستان اور نیوزی لینڈ کے درمیان سڈنی میں کھیلا جائے گا جو کہ دن ایک بجے شروع ہوگا ۔ دوسرا سیمی فائنل کل بھارت اور انگلینڈ کے درمیان دن ایک بجے ایڈیلیڈ میں شیڈول ہے۔ پاکستان اور نیوزی لینڈ کے درمیان اب تک 28 ٹی ٹونٹی میچز کھیلے جاچکے ہیں ۔پاکستان نے 17میچ جیتے جبکہ 11میں شکست ہوئی۔ٹی ٹونٹی میچوں میں پاکستان کا نیوزی لینڈ کیخلاف سب سے زیادہ 201 جبکہ کم ترین سکور 101 ہے۔