لاہور(سپورٹس رپورٹر)آسٹریلیا میں جاری آئی سی سی ٹی ٹونٹی ورلڈ کپ کا دوسرا سیمی آج کھیلاجائیگا۔ میچ دن ایک بجے شروع ہوگا۔ انگلینڈ کے کپتان جوز بٹلر نے کہا ہے کہ ان کی پوری کوشش ہوگی کہ ٹی 20 ورلڈ کپ کا فائنل پاکستان اور بھارت کے درمیان نہ ہو۔ ہم یقینی طور پر ٹی ٹونٹی ولڈ کپ کا فائنل پاکستان اور بھارت کے درمیان نہیں دیکھنا چاہتے اور ہم اس بات کو یقینی بنانے کیلئے پوری کوشش کریں گے کہ دونوں کے درمیان فائنل میچ نہ ہو۔ ہم میچ کو لے کر بہت پرجوش ہیں جو میرے خیال میں بھارتی ٹیم کےخلاف دنیا کے بہترین سٹیڈیمز میں سے ایک میں ہے اور مجھے یقین ہے کہ اچھی طرح سے میچ کو سپورٹ کیا جائےگا اور یہ وہ وقت ہے جب آپ بطور کھلاڑی شامل ہونے جارہے ہوں۔ ڈیوڈ ملان اور مارک ووڈ کے متعلق کہا کہ کوشش کریں گے کہ جتنی دیر ممکن ہو انہیں وقت دیں گے کیونکہ ڈیوڈ ملان چھوٹے سے زخم کی وجہ سے میدان چھوڑ گئے تھے، اور مارک ووڈ تھوڑے درد کی وجہ سے باہر گئے لیکن ہمیں اپنی میڈیکل ٹیم پر بھروسہ ہے۔ بھارت بہت ہی مضبوط ٹیم ہے اور بھارتی ٹیم مسلسل مستقل مزاج ہے اور اس طرح ان کے پاس جتنا ہنر ہے ان کی لائن اپ میں لاجواب کھلاڑی ہیں۔