لاہور(سپورٹس رپورٹر) پاکستان ویمنز نے آئرلینڈ ویمنز کے خلاف ون ڈے سیریز میں کلین سویپ کر دیا، تین میچز پر مشتمل ون ڈے میچز کی سیریز تین صفر سے اپنے نام کرلی۔قذافی سٹیڈیم میں کھیلے گئے تیسرے اور آخری میچ میں پاکستانی ویمنز نے 226 رنز کا ہدف پانچ وکٹ پر پورا کرلیا۔صدف شمس 72 رنز بناکر نمایاں رہیں۔ کپتان بسمہ معروف نے 57 رنز کا حصہ ڈالا۔آئرلینڈ ویمنز ٹیم پہلے کھیلتے ہوئے 225 رنز بناکر آوٹ ہوئی۔ لیپال نے 65 جبکہ ایمی ہنٹر نے 45 رنز کی اننگز کھیلی۔غلام فاطمہ نے پانچ کھلاڑیوں کو پویلین کی راہ دکھائی۔تین ٹی ٹونٹی میچز کی سیریز کا پہلا میچ 12 نومبر کو کھیلا جائے گا جبکہ دوسرا 14 اور تیسرا 16 نومبر کو شیڈول ہے۔