لاہور(سپورٹس رپورٹر) قومی ویمنز ٹیم کی کپتان بسمہ معروف نے سابق کپتان ثنا میر کا اہم اعزاز اپنے نام کرلیا،سب سے زیادہ ون ڈے میچز کھیلنے والی پاکستانی کرکٹر بن گئیں۔ قومی ویمنز ٹیم کی کپتان بسمہ معروف گزشتہ روز آئرلینڈ کے خلاف میچ کھیلنے کے ساتھ ہی ون ڈے میں پاکستان کی نمائندگی کرتے ہوئے سب سے زیادہ میچز کھیلنے والی خاتون کرکٹر بن گئی ہیں۔بسمہ معروف آئر لینڈ کے خلاف اپنے کیرئیر کا 121 واں ون ڈے میچ کھیلا ۔اس سے قبل سابق کپتان ثنا میر نے 120 ون ڈے میچز میں پاکستان کی نمائندگی کی تھی۔