مالے(آئی این پی) مالدیپ کے دارالحکومت مالے میں آتشزدگی کا واقعہ پیش آیا، جس کے نتیجے میں 11 افراد ہلاک ہوگئے۔ غیر ملکی میڈیا کے مطابق آگ ایک رہائشی عمارت میں لگی جس کی بالائی منزل سے 11افراد کی جھلسی ہوئی لاشیں برآمد ہوئیں۔ متاثرہ عمارت میں زیادہ تر تارکین وطن مزدور رہائش پذیر تھے۔ آگ عمارت کے گیراج میں لگی جہاں گاڑیوں کی مرمت کا کام کیا جاتا ہے۔ آگ  پر قابو پانے میں چار گھنٹے کا وقت لگا، مالدیپ میں حادثے میں مرنے والوں میں8 افراد بھارتی شہری ہیں ۔ بھارتی ہائی کمشنر نے اپنی ٹویٹ میں لکھا کہ ہمیں مالے میں ہونے والی آتشزدگی کے واقعے میں جانی نقصان پر دکھ ہوا ہے۔
مالدیپ آگ