لاہور (نامہ نگار) ڈاکوئوں اور چوروں نے متعدد شہریوں سے لاکھوں روپے‘ زیورات، موبائل فون، گاڑیاں ، موٹر سائیکلیں اور دیگر سامان لوٹ لیا ہے۔ ڈاکوؤں نے چوہنگ میں عمران کے گھر گھس کر اہلخانہ کوگن پوائنٹ پر یرغمال بنا کر7 لاکھ‘ ڈیفنس میں شہباز کے گھر سے 6 لاکھ، برکی میں ندیم کے گھر سے ساڑھے4 لاکھ‘ زیورات، موبائل فون اور دیگر سامان، شاہدرہ میں اسد اور اس کی فیملی سے 5 لاکھ، گلبرگ میں اختر اور اس کی فیملی سے 3 لاکھ90 ہزار، زیورات اور موبائل فون، نواب ٹاؤن میں جمیل سے 2 لاکھ اور موبائل فون، گلبرگ میں عابد سے ڈیڑھ لاکھ اور موبائل فون، سمن آباد میں شفیق سے ایک لاکھ اور موبائل فون، نواں کوٹ میں منور سے31 ہزار اور موبائل فون، مزنگ  میں طارق سے4 ہزار اور موبائل فون لوٹ لیا ہے۔ چوروں نے نصیر آباد میں سہیل کے گھر سے 4 لاکھ‘ زیورات اور دیگر سامان‘ برکی، اچھرہ، ماڈل ٹاؤن اور سندر  سے4کاریں، راوی روڈ سے رکشہ جبکہ جنوبی چھاؤنی، اقبال ٹاؤن، وحدت کالونی، شفیق آباد، جوہر ٹاؤن، ریس کورس اور گڑھی شاہو سے 7 موٹر سائیکلیں چوری کر لیں۔
ڈاکے