گوجرانوالہ (نمائندہ خصوصی ) شادی کی تقریب میں شرکت کیلئے جانے والے تین باراتی اندھیرے کے باعث کھلے مین ہول میں گر کر زخمی ہو گئے۔ امتیاز، عجب خان اور زمان رتہ جھال کے قریب واقع میرج ہال میں شادی کی تقریب میں شرکت کیلئے جا رہے تھے کہ میرج ہال سے کچھ ہی فاصلہ پرگلی میں اندھیرا ہونے کے باعث تینوں کھلے مین ہول میں گر گئے۔ باراتیوں کی چیخ و پکار پر محلے داروں نے فوری طور پر انہیں ہول سے باہر نکالا۔ دوسری جانب محلے داروں کا کہنا ہے کہ انہوں نے متعدد بار محکمہ واسا کو کھلے مین ہول سے متعلق آگاہ بھی کیا تھا۔
مین ہول