راولپنڈی (اپنے سٹاف رپورٹر سے) عوامی مسلم لیگ کے سربراہ شیخ رشید احمد نے کہا ہے کہ نواز شریف اپنا جنم دن اور نیو ایئر اپنی بیٹی کے ساتھ لندن میں منائیں گے بھائی وزیر اعظم ہے سفارتی پاسپورٹ مل گیا ہے لیکن کلین چٹ نہیں ملی لال حویلی سے جاری بیان میں انہوں نے کہا کہ ملک کی بدقسمتی ہے کہ بزدل کرپٹ لوگ آگے آگئے ہیں ان کا حقیقی دارالحکومت لندن ہے پاکستان میں تاوان لینے آتے ہیں شیخ رشید احمد نے کہا کہ نواز شریف نے جس کو بھی تعینات کیا اسی سے پھڈا کیا لندن میں فیصلہ کرنے کے بعد اتحادیوں کی کوئی حیثیت نہیں عوام مہنگائی سے مرگئی معیشت اور خارجہ پالیسی تباہ ہو گئی عمران خان کے سب سے اچھے تعلقات سعودی پرنس MBS سے ہیں شیخ رشید احمد نے مزید کہا کہ احتساب اور حساب ختم نہیں ہو گا بدعنوان لوگ اہم عہدوں پر آگئے ہیں۔
شیخ رشید