حضرت امیر معاویہؓ کے فضائل کا دار و مدار نسبت رسول پر ہے: اشرف جلالی
لاہور(خصوصی نامہ نگار)تحریک لبیک یارسول اللہ و تحریک صراط مستقیم کے زیر اہتمام مرکز صراط مستقیم تاج باغ میں 36 ویں افکارِ رضا سیمینار کا انعقاد ”فضائل حضرت امیر معاویہ ؓ “ کے موضوع پر کیا گیا۔ سیمینار کی صدارت پیر سید محمد عقیل شاہ نے کی۔ تحریک لبیک یارسول اللہ کے سربراہ اور تحریک صراط مستقیم کے بانی ڈاکٹر محمدا شرف آصف جلالی نے تحقیقی و تفصیلی مقالہ پیش کرتے ہوئے کہاکہ حضرت امیر معاویہؓ کے تمام فضائل کا دار و مدار نسبت رسول پر ہے۔ کتب حدیث میں حضرت امیر معاویہ ؓکے فضائل و مناقب کے ابواب بکثرت موجود ہیں جس میں حضرت امیر معاویہ ؓکے فضائل کے بارے میں رسول اللہ کی احادیث درج کی گئی ہیں۔ شرفِ صحابیت کی بنیاد پر آپ صحابہ کے بعد والے تمام مشاہیر اسلام پر فوقیت رکھتے ہیں۔
