کراچی (نیٹ نیوز)  سی ٹی ڈی نے سندھ میں ریلوے ٹریکس پر دھماکوں کے ملزم کو کراچی سے گرفتار کرلیا۔ سی ٹی ڈی آپریشن ٹو کے عملے نے وفاقی حساس ادارے کی معاونت سے کورنگی انڈسٹریل ایریا مہران ٹاؤن میں سرجن فیض محمد روڈ پر کارروائی کرتے ہوئے  ملزم رستم علی کو گرفتار کیا جس کے قبضے سے 30 بور پستول اور گولیاں برآمد ہوئیں۔  ملزم نے دوران تفتیش انکشاف کیا کہ اس کا تعلق کالعدم تنظیم ایس آر اے سے ہے جس کا سربراہ ذوالفقار خاصخیلی جرمنی سے سوشل میڈیا ایپس کے ذریعے انہیں مختلف دہشتگردی کے واقعات اور ٹارگٹ کی ہدایات دیتا ہے۔ جبکہ  ملزم پر ایس آر اے تنظیم کے دیگر ساتھیوں کی مالی معاونت، اسلحہ اور گولہ بارود کی خریداری اور سہولت کاری کا بھی الزام ہے۔
ریلوے، دھماکے