لاہور(سپورٹس ڈیسک)انگلینڈ ٹیم کے سابق کپتان مائیکل وان نے 2023 میں بھارت میں ہونے والے ورلڈکپ کیلئے بھارتی ٹیم کو فیورٹ سمجھنا انتہائی فضول قرار دیدیا۔کالم میں مائیکل وان نے انگلش ٹیم کے کپتان جوز بٹلر اور ان کی ٹیم کو ون ڈے ورلڈکپ کیلئے فیورٹ قرار دیا۔مائیکل وان نے اپنے کالم میں انگلش ٹیم کو سراہتے ہوئے لکھا کہ اگلا ٹکٹ بھارت میں ہونے والا 50 اوورز کا ورلڈکپ جیتنا ہے، انگلینڈ کے پاس اچھے سپن آپشن ہیں اور ہمیں ورلڈکپ کیلئے انگلینڈ کو فیورٹ رکھنا ہوگا۔ جب ٹورنامنٹ شروع ہوگا تو بھارت کو لوگ ان کے ہوم گراؤنڈ پر فیورٹ قررا دینگے جو انتہائی فضول ہے ،انگلینڈ ٹیم کسی بھی سوال کے بغیر شکست دینے والی والی ٹیم ہوگی اور آئندہ چند سالوں تک یہی سلسلہ چلتا رہے گا۔اگر میں بھارتی ٹیم کو دیکھ رہا ہوتا تو میں انہیں انگلینڈ کی ٹیم سے سیکھنے کی تجویز دیتا۔