لاہور(سپورٹس رپورٹر)آئرلینڈ ویمن ٹیم نے تیسرے اور فیصلہ ک±ن ٹی ٹونٹی میچ میں پاکستان کو شکست دےکر سیریز دو ایک سے جیت لی۔آئرلینڈکے 168 رنز کے ہدف کے جواب میں پاکستان ویمن ٹیم 18.5 اوورز میں 133 رنز بنا کرآﺅٹ ہوگئی۔ جویریہ خان نے نصف سنچری بنائی ۔ندا ڈار 26 اور فاطمہ ثنا نے 14 رنز بنائے۔ آرلین کیلی اور لاورا ڈیلینی نے تین تین وکٹیں حاصل کیں۔ آئرلینڈ نے 4 وکٹوں پر 167رنز بنائے۔ ایمی ہنٹر 40 اور گیبی لوئس 71 رنز بنا کر نمایاں رہیں۔کپتان آئرلینڈ ویمن کرکٹ ٹیم لاﺅرا ڈیلانی نے کہا کہ پاکستان میں ٹی ٹونٹی سیریز جیتنے پر ناقابل یقین احساسات ہیں۔ گزشتہ 8 سے 10 ماہ میں خاص طور پر ٹی ٹونٹی کرکٹ کیلئے سخت محنت کی، ون ڈے سیریز کے دوران ہم نے بہت سیکھا اور غلطیوں پر کام کیا۔اندازہ ہو گیا تھا کہ ٹی ٹونٹی سیریز میں ہم نے کیا کرنا ہے۔ ٹی ٹونٹی سیریز میں کامیابی حاصل کی جو کہ پہلا موقع ہے، یہ ہمارے لیے قیمتی موقع ہے، ہم اس جیت کی حقدار تھیں۔ لاہورخوبصورت شہر لیکن گھومنے پھرنے کا زیادہ موقع نہیں ملا، کرکٹ کا ماحول آئیڈیل تھا۔
، اختتام ہمارا شاندار رہا ہے۔