لاہور (نامہ نگار) شہر کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ تفصیلات کے مطابق ڈاکوؤں نے چوہنگ کے علاقے میں زاہد خلیل کے گھر میں گھس کر گن پوائنٹ پر اہلخانہ کو یرغمال بنا کر 12لاکھ 40ہزار روپے، کوٹ لکھپت کے علاقے میں آصف سے 7لاکھ روپے، گوالمنڈی کے علاقے میں مظفر سے ڈیڑھ لاکھ روپے، داتا دربار کے علاقے میں اظہر سے ایک لاکھ روپے، اقبال ٹاؤن کے علاقے میں تیمور سے موٹر سائیکل، وحدت کالونی میں عبدالحنان سے 54 ہزار روپے، ریس کورس کے علاقے میں احمد سے41 ہزار روپے، مزنگ کے علاقے میں راشد سے 27 ہزار روپے، شاہدرہ کے علاقے میں فرزند سے  ہزاروں روپے نقدی، لٹن روڈ کے علاقے میں قاسم سے13ہزار روپے لوٹ لیے اور فرار ہوگئے ہیں۔ چوروں نے سمن آباد کے علاقے میںامجد کے گھر سے 17لاکھ رروپے  دیگر سامان چوری کر لیا اور فرار ہو گئے ہیں۔ چوروں نے گلبرگ، غازی آباد اور قائد اعظم انڈسٹریل اسٹیٹ کے علاقوں سے 3کاریں، شادباغ کے علاقے سے رکشہ جبکہ ماڈل ٹاؤن، مزنگ، ہنجروال، لیاقت آباد، ہربنس پورہ، غالب مارکیٹ، لٹن روڈ اور ساندہ کے علاقوں سے8موٹر سائیکلیں چوری کر لیں اور فرار ہو گئے ہیں۔
ڈاکے