شیخوپورہ (نمائندہ نوائے وقت) تھانہ سٹی بی ڈویژن کے علاقہ محلہ گلوریا کالونی میں تین بچوں کی ماں نے اپنے آشنا سے ملکر شوہر پر پٹرول ڈال کر زندہ جلا ڈالا۔ جو زخموں کی تاب نہ لاتے ہوئے ہسپتال میں دم توڑ گیا۔ پولیس نے ملزمہ بیوی شکیلہ کو گرفتار کر لیا ہے جبکہ آشنا کی گرفتاری کیلئے چھاپے جاری ہیں۔ بتایا گیا ہے کہ مقتول لطیف کی شادی 20سال قبل شکیلہ بی بی سے ہوئی جس کے تین بچے ہیں۔ شکیلہ بی بی کے اپنے محلہ دار خالد سے ناجائز مراسم قائم ہوگئے، جس سے شوہر منع کرتا رہا۔ اسی بنا پر شکیلہ بی بی نے آشنا سے ملکر شوہر زندہ جلا کر موت کے گھاٹ اتار ڈالا۔ پولیس نے مقتول کے بھائی لیاقت کی رپورٹ پر مقدمہ درج کر لیا ہے۔
زندہ جلا ڈالا