مہمند (نوائے وقت رپورٹ) پی ٹی آئی کے صوبائی صدر پرویز خٹک نے یکہ غنڈ میں ورکرز کنونشن سے خطاب میں کہا ہے کہ عمران خان کی قیادت میں تحریک انصاف مضبوط قوت بن گئی ہے۔ عوام عمران خان کے ساتھ ہے جس طرح حکمرانی چل رہی ہے سو سال تک خوشحال اور ترقی نہیں دیکھ سکتے، ہمیں نااہل کہنے والے تجربہ کار حکومت نے مہنگائی کہاں تک پہنچائی۔ بجلی، گیس اور پٹرول کی قیمتیں مسلسل بڑھ رہی ہیں۔ دریں اثنا پرویز خٹک کی تقریر کے دوران پی ٹی آئی کے کارکنان نے مقامی ایم این ساجد مہمند کے خلاف نعرے لگائے۔