کراچی (نوائے وقت رپورٹ) چیئرمین پی پی بلاول بھٹو کے ترجمان ذوالفقار علی بدر نے پی ٹی آئی رہنماؤں کے بیانات پر ردعمل میں کہا ہے کہ صدر عارف علوی اپنے عہدے کا تقدس برقرار رکھیں۔ وہ کسی اور کے پیغام رساں مت بنیں۔ شیخ رشید صرف اپنی نوکری پکی کرنا چاہتے ہیں۔ عمران اسماعیل سندھ میں ناکامی کے بعد بیان بازی سے زندہ رہنا چاہتے ہیں۔ بلاول بھٹو نے صدر پاکستان کو غیر آئینی‘ غیرقانونی کام سے گریز کا کہا‘ دھمکی نہیں دی۔