لاہور(نامہ نگار)چیئرمین پیپلز پارٹی بلاول بھٹو زرداری کی ہدایت پر پیپلز پارٹی وسطی پنجاب کے زیر اہتمام پارٹی کے 55ویں یوم تاسیس کو پورے جوش و خروش سے منانے کے لیے تقریبات کا دائرہ کار اضلاع تک بڑھایا جا رہاہے۔پیپلز پارٹی وسطی پنجاب کے جنرل سیکرٹری سید حسن مرتضی نے کہا ہے کہ اس سلسلے میں قائم مقام صدر رانا فاروق سعید کی ہدایت پر پیپلز پارٹی وسطی پنجاب ایگزیکٹو،تمام ڈویڑنز، ڈسٹرکٹ اور الائیڈ ونگزکے صدور و سیکرٹری صاحبان کا مشترکہ خصوصی اجلاس کا22نومبروسطی پنجاب سیکرٹریٹ ماڈل ٹاو¿ن میں طلب کر لیا گیا ہے ۔جس میں ڈسٹرکٹ سطح پر یوم تاسیس منانے کی تیاریوں،تجاویز اور سفارشات کے بعد حتمی فیصلہ کیا جائے گا۔دوسری جانب پیپلز پارٹی لاہور کے صدر چوہدری محمد اسلم گل کی ہدایت پر لاہور ڈسٹرکٹ ون کا تنظیمی اجلاس صدر ڈسٹرکٹ ون زاہد ذوالفقار خان اور جنرل سیکرٹری شکیل میر چنی بٹ کی صدرات مےں منعقد ہوا ۔جس مےں پارٹی کے55ویں یوم تاسیس کے حوالے سے پروگرام کی تیاریوں میں بڑھ چڑھ کر حصہ لینے اور مختلف تجاویز پر غور کیا گیا۔اجلاس کے چیف گیسٹ امیدوار این اے 124 نائب صدر لاہور عامر نصیر بٹ ،ڈسٹرکٹ ون کے تمام زونل صدور اور جنرل سیکرٹری امجد کھوکھر، فیضان محی الدین، میاں حامد منیر، ارشد بلا، جاویدشاہ، طارق بھٹو، فرزند گھمن، زاہد شاہ، شاہد سلہری، عمران علی، کامران چشتی، شفاقت، اور سید شاہد شیرازی نے شرکت کی۔