لاہور (نامہ نگار) لاہور کے مختلف علاقوں  میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا۔ ڈاکوؤں نے ٹاؤن شپ  میں صفدر کے گھر گھس کر اہلخانہ کو گن پوائنٹ پر یرغمال بنا کر 5لاکھ 70ہزار روپے‘ زیورات، موبائل فون اور دیگر سامان، گلشن راوی میں امتیاز اور اس کی فیملی سے 3لاکھ 38ہزار، زیورات، اور موبائل فون، مصطفی آباد میں عثمان کی دکان میں گھس کر اسلحہ کے زور پر ایک لاکھ 15 ہزار روپے اور 2موبائل فو ن، شادمان میں حفیظ سے گن پوائنٹ پر ایک لاکھ 60 ہزار روپے اور موبائل فون،  ماڈل ٹائون میں حامد سے ایک لاکھ روپے اور موبائل فون، ہنجروال میں احتشام سے 50 ہزار روپے اور موبائل فون، جنوبی چھاؤنی میں عبدالرزاق سے 20 ہزار اور موبائل فون، بھاٹی گیٹ میںنوید سے 12 اور موبائل فون لوٹ لیا۔ چوروں نے ہنجروال میں عرفان کے گھر سے ساڑھے 5لاکھ روپے، زیورات اور دیگر سامان‘ شمالی چھاؤنی، کاہنہ اور اچھرہ 3 کاریں، چوہنگ اور باغبانپورہ سے2 رکشے جبکہ ریس کورس، نولکھا، اکبری گیٹ، نواں کوٹ، مسلم ٹاؤن، ڈیفنس، شاہدرہ ٹاؤن، فیصل ٹاؤن اور گلشن راوی سے9  موٹر سائیکلیں چوری کر لیں۔