لاہور ( سپورٹس رپورٹر) انٹرنیشنل فیفا ریفری محمد احمد رؤف کو پاکستان ریلویز لاہور کے سپورٹس انچارج مقرر کردیا گیا ۔احمد رؤف نے گزشتہ روز اپنے عہدے کہ چارج سنبھال لیا ہے،محمد احمد رؤف لاہور ریلوے کے فٹ بال کوچ بھی ہیں۔ میڈیا سے گفتگو کرتے ہوئے احمد رؤف نے اپنی تقرری بطور سپورٹس آفیسر کرنے پر ڈویڑنوں سپرنٹنڈنٹ ریلویز لاہور ڈویڑن حنیف گل کا شکریہ بھی ادا کیااور کہا کہ وہ ان کے معیار پر پورا اترنے کی بھر پور کوشش کریں گے۔ انہوں نے مزید کہا کہ موجودہ وسائل کو بہترین طریقے سے بروئے کار لاتے ہوئے ریلوے کی سپورٹس کی ترقی کے لیے ہر ممکن اقدامات کئے جائیں گے۔ ان کی تعیناتی پرملک بھر سے فٹ بالروں اور ریفریز کی کثیر تعداد نے مبارکباد دیتے ہوئے امید ظاہر کی ہے کہ وہ ریلوے میں کھیلوں کی ترقی کے لئے اپنا بھر پور کردار ادا کریں گے۔