بہاولنگر (نمائندہ نوائے وقت) خادم آباد کالونی میں شادی شدہ خاتون کے ساتھ دلخراش واقعہ پیش آیا ہے۔ اوباش نے  4 بچوں کے سامنے خاتون کے ساتھ زیادتی کی۔ مزاحمت پر خاتون پر بہیمانہ تشدد بھی کیا۔ ملزم نے بوتل توڑ کر خاتون پر وار کر کے شدید زخمی کر دیا۔ خاتون کے مطابق ملزم نے میرے بچوں کے سامنے جنسی زیادتی  کی ہے۔ بچوں نے ملزم کے پاؤں پکڑے اور تشدد نہ کرنے کی اپیل کرتے رہے۔ میرے بے ہوش ہونے پر ملزم موقع سے فرار ہوگیا۔ خاوند متاثرہ خاتون کے مطابق میں کام کے سلسلہ میں ملتان آیا ہوا تھا۔ ملزم نے بچوں کے سامنے ان کی ماں کو بے آبرو کر دیا۔ ملزم کے خوف سے کئی بار گھر بھی تبدیل کئے ہیں۔ غریب آدمی ہوں محنت مزدوری کرتا ہوں۔ میری بیوی کی حالت تشویشناک ہے، ہمیں انصاف فراہم کیا جائے۔ ملزم میری بیٹی پر بری نظر رکھتا تھا۔ ملزم کو ابھی تک گرفتار نہیں کیا گیا۔ والدہ نے روتے ہوئے انصاف فراہم کرنے کی اپیل کی۔ متاثرہ لڑکی کے والد کی رپورٹ پر زیر دفعہ 324۔354 دفعات کے تحت مقدمہ درج کیا ہے۔ جنسی زیادتی اگر ہوئی ہے تو میڈیکل رپورٹ آنے پر دفعات لگائی جائیں گی۔ ایس ایچ او مہر جبار کے مطابق ملزم کو گرفتار کر لیا گیا ہے۔