لاہور (نامہ نگار) سی ٹی ڈی پنجاب نے راولپنڈی میں کارروائی کرتے ہوئے کالعدم تنظیم داعش کے انتہائی مطلوب کمانڈر خالد عرف محمد نبی سمیت دو دہشت گرد گرفتار کر لئے ہیں۔ اس کے قبضہ سے بھاری مقدار میں دھماکا خیز مواد برآمد ہوا۔ دہشت گرد نے انکشاف کیا کہ چھ سال قبل داعش تنظیم کے سابق خلیفہ ابوبکر البغدادی نے امیر داعش خراسان دلسوالی نور گل مقرر کیا۔ خالد عرف محمد نبی 2019  میں افغان فورسز کے ہاتھوں گرفتار ہوکر جلال آباد اور پل چرخی جیل میں قید بھی رہا۔ 2021 میں طالبان حکومت آنے کے بعد پل چرخی جیل ٹوٹنے پر فرار ہوا اور غیر قانونی طور پر افغانستان سے پاکستان داخل ہوا۔ دہشت گرد نے اپنی شناخت چھپانے کیلئے محمد خالد کے نام سے جعلی شناختی کارڈ بنایا۔