کاہنہ (نامہ نگاران) نشتر کالونی میں باپ کے ساتھ دوائی لینے آئے اڑھائی سالہ بچے کو تیز رفتار ٹرک نے کچل دیا۔ کم سن بچہ باپ کے سامنے موقع پر دم توڑ گیا۔ دوسرے واقعہ میں ہلوکی کے قریب رنگ روڈ کراس کرتے کار کی ٹکر سے نامعلوم شخص جاں بحق ہو گیا۔ اڑھائی سالہ عبدالہادی اپنے والد نجم کے ہمراہ گھمن چوک میں دوائی لینے آیا۔ ابھی اسکے والد نے اسے موٹر سائیکل سے نیچے اتارا ہی تھا کہ آٹا سپلائی کرنے والے تیز رفتار ٹرک نے اسے کچل دیا۔ دوسرے حادثہ میں کار نمبریLEA-19-466 اڈہ پلاٹ سے رنگ روڈ پر کاہنہ کی طرف آرہی تھی جب وہ ہلوکی کے قریب پہنچی تو پیدل رنگ روڈ کراس کرتے ہوئے ایک شخص سے جا ٹکرائی جس سے وہ موقع پر ہی جاں بحق ہو گیا۔