اسلام آباد، نیلم (نامہ نگاران) یونین کونسل دودھنیال کے نواحی گائوں بینساں والی میں ٹیوٹا جیپ گاڑی نمبر jAA329حادثہ کا شکار ہو گئی۔ گاڑی میں 12 افراد سوار تھے جن میں 6خواتین جاں بحق جبکہ 7 زخمی  ہو گئے۔ جن میں 4 کی حالت تشویشناک ہے۔ تفصیلات کے مطابق دودھنیال کے نواحی گائوں ٹھنڈا پانی کے درمیان حادثہ پش آیا۔ گاڑی میں سوار افراد ووٹ پول کرنے کی غرض سے پولنگ سٹیشن ٹھنڈا پانی جا رہے تھے۔ روڈ کی ناقص صورت حال سے حادثہ ہوا۔ جیپ کھائی میں گر گئی۔ زیور جان زوجہ شبیر ملک، نسرین زوجہ عباس ملک، صاحب زادی زوجہ حامم ملک، شمیم اختر زوجہ الطاف ملک، الف جان والدہ افسر ملک، صادق جان زوجہ غلام حسین جاں بحق ہونے والوں میں شامل ہیں۔ جبکہ زخمیوں میں بی بی جان والدہ دلاور ملک، آمنہ بی بی زوجہ اقبال ملک، صوبیہ زوجہ ریاض ملک، ولایت جان زوجہ سرور ملک، ماریہ دختر منیر ملک، مبشر حسین ولد ملک غلام عباس ،فدا الرحمن ڈرائیور، شامل ہیں۔ حادثہ میں متاثرہ افراد کو مقامی لوگوں اور انتظامہ نے ریسکیو کیا۔ انتظامیہ کی جانب سے الیکشن ڈیوٹی پر تعینات ڈپٹی مجسٹریٹ عارف حسین ڈار بھی ریسکیو آپریشن میں شامل رہے۔
جیپ حادثہ