نوشہرہ ورکاں: مہندی کی تقریب میں فائرنگ‘ دولہا کا بہنوئی جاں بحق‘ بھانجا زخمی
نوشہرہ ورکاں (نمائندہ نوائے وقت+نامہ نگار) مہندی کی تقریب میں فائرنگ، دولہا کا بہنوئی جان بحق اور بھانجا زخمی ہو گیا۔ نواحی گاؤں منج والی کے رہائشی ثناء اللہ کے بیٹے منور کی مہندی کی تقریب جاری تھی کہ دولہا کے خالہ زاد احسان علی نے فائرنگ شروع کر دی۔ گولیاں سامنے کھڑے دولہا کے بہنوئی محمد زمان اور اس کے 10 سالہ بیٹے اسد علی کو لگ گئیں، جنہیں فوری طور پر طبی امداد کے لئے تحصیل ہیڈکوارٹر ہسپتال نوشہرہ ورکاں منتقل کیا گیا جہاں محمد زمان زخموں کی تاب نہ لاتے ہوئے جاں بحق ہو گیا۔ پولیس نے مقتول کے بھائی جاوید کی مدعیت میں ملزم احسان کے خلاف مقدمہ درج کر لیا ہے۔
رسم مہندی/ فائرنگ
